Vahkku 43. golggotmánu 21.-27. b. 2019

Giellavahkku

Giellavahkku_FB_Event Photo_1920x1080_1 (002)_1000x563

Sámi giellavahkku ulbmilin lea buoridit sámegielaid stáhtusa, ja buoridit máhtu sámi giela ja kultuvrra birra olles servodagas. Juste dán vahkus galget sámegielat gullot ja oidnot juohke sajis.

2019-09-24

MII LEA SÁMI GIELLAVAHKKU?
Sámi giellavahkus mii ovttas oainnusmahttit ja buoridit máhtu sámegielaid birra olles servodagas. Priváhta ja almmolaš ásahusat, ealáhuseallin, organisašuvnnat, priváhtaolbmuid ja eará aktevrrat bovdejuvvojit oainnusmahttit sámegielaid juste dán vahkus. Ovttas váldit mii stuorábuš ovddasvástádusa sámegielaid gullomis, oidnomis ja geavaheames buot servodatsurggiin.

MAID SÁHTTIBEHTET DII DAHKAT?
Čájehit gielalaš ja kultuvrralaš girjáivuođa Norggas, ja leat mielde šaldumin sámi ja norgga servodaga gaskka.

Ovdamearkkat maid sáhttibehtet dahkat leat:
• Ráhkadit sámi sisdoalu sihke sámiid ja ii sámiid ektui
• Loktet sámegiela ja sámi kultuvrra iešguđege vugiiguin
• Čállit bures boahtima sámegillii
• Ráhkadit infoplakáhta maiddái sámegillii (omd. muitte nuollat skuovaid)
• Lágidit giellagáffádaga
• Heŋgestit Sámi giellavahkku 2019 plakáhta.

Buot veahkki lea buorre! Don mearridat ieš mo áiggut čalmmustahttit sámi gielaid.

Dus soitet leat eará buorit jurdagat, ja háliidat leat mielde Giellavahkus?

Čális dákko giellalokten@samediggi.no, dahje válddes oktavuođa du lagamus sámi giellaguovddážiin!

Giella Norsk - NorwegianGiella Sami - Samisk